حنين جت يا ولاد
يا ولاد
حنين جت
وبقيت ام
والله وشفتك ام يا انوج
بقيتي ام يا بنت الفقرية
اولا بجد وحشتوني جدا
ثانيا بقي ودة الاهم حنين جت يا ولاد
شكلنا كدة عايزين قاعدة ونحكي
اتفضلوا اقعدوا علي الارض واستربعوا عشان هنحكي
كنت خايفة اوي من الولادة
هي اي نعم كانت قيصرية
بس انا اكتشفت اني جامدة نوعا ما بغض النظر عن كمية الصريخ اللي صرخت بيه
بعد ما فقت من البنج
انا جبت حنين يوم الاتنين اللي فات
يعني تاريخ 20 /7 دة يتحفظ لزوم الهدايا
شهر 7 دة اللي اتجوزت فيه واللي بعد جوازي بيوم عيد ميلاد جوزي
واللي بعد جوازي باسبوعين هيبقي ان شاء الله عيد ميلاد حنين
رغم اني عارفة انها كانت بنوتة بس اول ما شفت طارق قلتله انا جبت ايه
الراجل يا عيني قال دي بتخرف وخدني علي اد عقلي
بس لما جابوهالي مش كنت شايفاها من تاثير البنج
بس طلبت اني اشمها
طلب غريب بس مش في حد هيحس بيه غيري او اللي زيي
غير كدة ان لكل واحد مننا له ريحة خاصة كدة
حبيت اكون اول واحدة تميز ريحتها بما اني مش اول واحدة شافتها عيني
البت يا جدعان تحس انها مش شبهنا
هي والله بسم الله ما شاء الله قمر
مش عارفة طالعه لمين
بس الحمد لله البت واخدة رجلي مقاس 42
ودة اللي اداني امل انها ممكن تكون بنتي
وهي عندها يومين تعبت مني وسخنت وبقيت اعيط
ونزلت بيها انا وطارق نروح للدكتور
الكل استغرب اني والدة قيصري وانزل بعد يومين
بس قلبي مش طاوعني اني اسيبها وتبعد عن عيني لحظة
الغريب بقي لما رحت اطعمها كان عندها 5 ايام
كانت في واحدة قبليا وبياخدوا من بنتها تحليل دم من كعب رجليها والبت تعيط وانا اعيط معاها
واحدة قالتلي انتي بتعيطي هي بنتك ولا ايه
قلتلها لا بس بنتي هتعيط زيها
بس البت حنين طالعه لامها استحملت بس انا اللي مش استحملت وقعدت اعيط برضه
مش كنت فاكرة اني هبقي معاها حساسة اوي كدة
رغم اني بزهق بسرعه بس علي راي طارق
ربنا بيزرع جوة كل واحدة الصبر والقدرة علي التحمل
اللي هي الامومة يعني
خلاصة الرغي
اني فرحانة بيها رغم اني مش بعرف انام طول الليل منها
فرحانة بيها رغم انها عايزة اللي يقعد معاها ال 24 ساعه
وايه كمان
بقيت اقول بنتي وحنين بنتي
يا نهار ابيض يا جدعان
سمرا بقت ام
شفتوا الزمن
ادعولي ربنا يباركلي فيها ويخليهالي انا وابوها وتبقي سبب في حاجات حلوة كتير
ملحوظة
علي المتقدمين للزواج تقديم طلباتهم للنظر فيها
فاهمني طبعا
حنين جت
وبقيت ام
والله وشفتك ام يا انوج
بقيتي ام يا بنت الفقرية
اولا بجد وحشتوني جدا
ثانيا بقي ودة الاهم حنين جت يا ولاد
شكلنا كدة عايزين قاعدة ونحكي
اتفضلوا اقعدوا علي الارض واستربعوا عشان هنحكي
كنت خايفة اوي من الولادة
هي اي نعم كانت قيصرية
بس انا اكتشفت اني جامدة نوعا ما بغض النظر عن كمية الصريخ اللي صرخت بيه
بعد ما فقت من البنج
انا جبت حنين يوم الاتنين اللي فات
يعني تاريخ 20 /7 دة يتحفظ لزوم الهدايا
شهر 7 دة اللي اتجوزت فيه واللي بعد جوازي بيوم عيد ميلاد جوزي
واللي بعد جوازي باسبوعين هيبقي ان شاء الله عيد ميلاد حنين
رغم اني عارفة انها كانت بنوتة بس اول ما شفت طارق قلتله انا جبت ايه
الراجل يا عيني قال دي بتخرف وخدني علي اد عقلي
بس لما جابوهالي مش كنت شايفاها من تاثير البنج
بس طلبت اني اشمها
طلب غريب بس مش في حد هيحس بيه غيري او اللي زيي
غير كدة ان لكل واحد مننا له ريحة خاصة كدة
حبيت اكون اول واحدة تميز ريحتها بما اني مش اول واحدة شافتها عيني
البت يا جدعان تحس انها مش شبهنا
هي والله بسم الله ما شاء الله قمر
مش عارفة طالعه لمين
بس الحمد لله البت واخدة رجلي مقاس 42
ودة اللي اداني امل انها ممكن تكون بنتي
وهي عندها يومين تعبت مني وسخنت وبقيت اعيط
ونزلت بيها انا وطارق نروح للدكتور
الكل استغرب اني والدة قيصري وانزل بعد يومين
بس قلبي مش طاوعني اني اسيبها وتبعد عن عيني لحظة
الغريب بقي لما رحت اطعمها كان عندها 5 ايام
كانت في واحدة قبليا وبياخدوا من بنتها تحليل دم من كعب رجليها والبت تعيط وانا اعيط معاها
واحدة قالتلي انتي بتعيطي هي بنتك ولا ايه
قلتلها لا بس بنتي هتعيط زيها
بس البت حنين طالعه لامها استحملت بس انا اللي مش استحملت وقعدت اعيط برضه
مش كنت فاكرة اني هبقي معاها حساسة اوي كدة
رغم اني بزهق بسرعه بس علي راي طارق
ربنا بيزرع جوة كل واحدة الصبر والقدرة علي التحمل
اللي هي الامومة يعني
خلاصة الرغي
اني فرحانة بيها رغم اني مش بعرف انام طول الليل منها
فرحانة بيها رغم انها عايزة اللي يقعد معاها ال 24 ساعه
وايه كمان
بقيت اقول بنتي وحنين بنتي
يا نهار ابيض يا جدعان
سمرا بقت ام
شفتوا الزمن
ادعولي ربنا يباركلي فيها ويخليهالي انا وابوها وتبقي سبب في حاجات حلوة كتير
ملحوظة
علي المتقدمين للزواج تقديم طلباتهم للنظر فيها
فاهمني طبعا
68 Comments:
الف مبروك يا إنجي ربنا يباركلك فيها ويخليها ليكي ولطارق
هييييييييييييييييييه
انا اول تعليق
مبروووووووووووووووووووك الف مليون تشيليون ترليون مبروك يا احلي انجي
حبيبتي حنين تسلملك من كل شر وربنا يعجلها نعمه الابنه الاباره بامها وابوها يا قلبي
الف حمد لله علي سلامتك يا انجي
ومبروك لابو حنين
بالله عليكي بوسيهالي
وقوليلها دي من مي
اموااااااااااااااااااااااااة كبيره لحد بكره
مش طماعه انا
حمد لله علي سلامتك وحمد لله علي وصولها ليكي يا حبيبتي
مبروك
مليش دعوه بقي
عاااااااااااااااااااااااااا
انا الاولي
هاه
وبوسه تانيه بردو لحد الاسبوع الجاي
اموااااااااااااااااااااااااااااااة
احمد شقير
الله يبارك فيك يا استاذ احمد يارب
وامين يارب
_____________________
فتاه حالمة
ههههههههههههه
معلش في حد سبقك اوعي تزعلي بقي
الله يبارك فيكي يارب
ونقول عقبالك بقي
هههههه
الله يسلمك يا قمر
ومش تقلقي انا اصلا هرياها بوس من غير ما تقولي فهقولها دي من طنطك مي
حلوة طنطك دي صح؟
تسلميلي
بجد بحد بجد
ربنا يبارك فيها ويفرحكوا فيها ويهنيكوا دايما
انا مبسوطه ليكم كده ومبسوطه بحنين قوى
ربنا يحميكم يارب
سوفت يا انوج سبقوني اذاي
مس هسعلي عسان خاطر حنين
انا لو كنت مكانك كنت هريها بوس ده انا مش هنيمها من كتر البوس اصلا
وربنا يخليكي يا رب
بجد انا بحبك اوي وربنا اعلم
ربنا يباركلك فيها ويهنيها ويرزقك برزقها ويرزق ابوها كمان ده الحمد لله وما شاء الله والله اكبر
مفيش احلي من رزق البنات ودي مش اي بنات دي حنين حبيبت امها وباباها
وطنطها مي
ههههههههههههههههههههه
حلوه طنطك انا موافقه كل الي يجي منك انتي وحنين عسل وسكر
مش تنسي بوسيهالي اكتر
سلام يا احلي ام حنين في العالم
وعقبالي بس لما القي ابوها الاول
هههههههههههههههههههه
سلام يا سكر
رحيل
يارب تتبسطي اكتر واكتر وربنا يسعدك يارب
وعقبال كل واحدة قولي امين
ربنا يخليكي يارب وتسلميلي
________________________________
فتاه حالمة
هههههههههههه
انا برضه بقعد اتكلم كدة
الكلام سهل يا اختي
يعني لما اهريها من كتر البوس ومش تنام اعمل انا ايه بقي
تعالي انتي مكاني هي ساعتين وهلاقيكي بتقولي يارب تنام خمس دقايق
هههههههههههههههه
ربنا يخليكي يارب ويخليلي حبك ليا
وان شاء الله تلاقي ابوها
بس انتي قولي يارب
هههههههه
اقولك هاتيها كلها اسبوعين ومش هقول حاجه
هههههههههههههههههه
بقول يا رب بس عشان اجيبها بس لكن هو مش مهم
كدابه طبعا
هههههههههههههههههه
بس ربنا يكرمك يا قمر
ملحوظه حلو الشات بوكس الي في التعليقات ده
طب انا موافقة تاخديها اسبوعين
بس تاخديني معاها انا وابوها وتبقي مسؤلة عننا الفترة دي كلها
هههههههههههه يا كدابة
كنت بقول زيك كدة برضه
ههههههههه
وبعدين اي خدمة
زورونا تجدوا ما يسركم
الف مليون مبروك يا ام حنين أنت وابو حنين..الخلفة للرجالة..والأمومة للجدعان..!
فاكرة يا ام حنين لما قابلتك انت وابو حنين في عمر بوك ستورز..كنت فرحان جداً ان مركبكم تقترب رويدا رويدا من شاطئها..والحمد لله ربنا اداكم هدية الوصول..حنين..!
(:
تتربى في خيركم وحنانكم وعزكم..ونسأل الله ان ينبتها نباتاً حسناً وان يجعلها قرة عين لأمها وابيها..وان يرزقها دوماً بشباشب وصنادل وسابوهات مقاس 42 ..!
(:
تحياتي للأسرة الجميلة..ماشاء الله لا قوة الا بالله..!
انا موافقه يا ستي
كله يهون عشان خاطر حنين بس
وانتم علي راسي بس هاخدها منك علي طول بقي بعد الاسبوعين
ههههههههههههههههههههه
ايون طبعا ضريبه
كنتي بتقولي زيي بردو وفكرتي في اسم حنين وانا بردو
وانا الي مش كنت عارفه بعزك وغاليه عندي اوي كدا ليه
اترينا واحد
ههههههههههههههه
ميرسي يا قمر
سنزوركم دئما وابدا
بس متزهقوش مننا
مبروووووووووووووووووووك يا أنجى مليون مبروك والله فرحانة ليكى جدا زى ما أكون أنا اللى جبت حنين
تصدقى انا كمان بحب الاسم ده قوى ونفسى لما ربنا يكرمنى اجيب بنت واسميها حنين لانى بحب الاسم ده قووووووووى
مبروك يا أم حنين مبروووووووووك
الف مبروووووووووووووووك
ربنا يبارك فيها ويباركلك ويجعلها قرة عين ليكى ولطارق
:)
مبـــروك مبــــروك
مليون الفين مبروك
و الله الواحد الدمعة فرت من عنية و الله
مبروك و ربنا يباركلك فيها يا رب
طب فين بقي الصور بتاعتها عشان نيجي نتقدم
:)
ربنا يطرحلك فيها البركة يا رب
مبروك يا إنجي
حتكوني أجمل أم في الدنيا
إسمها جميل جدا جدا
ربنا يبارك لكم فيها و يجعلها خلف صالح
آمين
ببوس حنين بوسة كبيرة جدا
و لو انها اكيد لسه صغنونه جدا
ربنا يبارك فيها
يارب ياانوج يخليهالك
ويخليكو ليها
ويجعلها قره عين ليكم
ويباركلكم فيها
وتبقي سبب كل حاجه حلوه ليكم
ياارب :)
الف الف مليون مبروووووووووووك ربنا يخليهالك يارب ويحميها ويخليكوا لبعض
مبروك ياانوج مبروك انا كمان لسة خالتو جديدة من يوم 25/7 لمولود زي القمر اسمه محمد يالا بقى قدمي طلبك نبحثه ونشوف الولد يرضى ببنتك عروسة ولالا حمد لله على سلامتك يانوج وعقبال ما تخوياها
مبروك يا ام حنين
ومبروك لطارق
وربنا يجعلها قره عين ليكم
:)
أنبتها الله نباتا حسنا ورزقكما برهما وجعلها قرة أعينكما يارب
تنفع التانية ؟؟
:):):):):)
الف الف مبروك
ربنا يباركلك فيها يا رب
و تبقي من الصالحين اللي يدعولك
و خلي بالك منها
اه نسيت صحيح
بندحرج التماسي لو لسه في حد فاكرني
تحياتي
الف الف الف مبرررررررروك وربنا يبارك فيها وتكون دمها زى العسل زى مامتها
وانا اول من يقدم طلب الزواج لعلى اجد القبول
الف الف الف الف مبرووووووووووووك
عقبال ما تخاويها ان شاء الله
مبروووووك ربنا يخليها لك وتفرحي بيها
بما اني لي اربعة من الصبيان
ارجو كتابة الاوراق الرسمية المطلوبة
في حين وددنا التقدم بطلب ايد
الهانم الصغيرة
الف مبرووووووووووووووووووك يا انجى
وربنا يباركلك فيها
انتى وباباها طبعا
وتشوفيها عروسه ان شاء الله
نور
مبروك عليكم وربنا يحميها
السلام عليكم
حمد لله علي سلامتك و مرحبا بقدوم حنين
و ربنا يبارك لكم فيها و يخليكم ليها يارب
.
كويس إنها مش شبهكم
هههههههه
مبروووووووووووووووووووووووك
عليكي حنين يا انوووووج
يارب بقى تدربي فيها كويس
بس ارفعى راسنا بقى قدام طارق
عايزينه يقول البت انوج دي مولوده ام
خلى بالك منها
وربنا يطرح لك فيها البركه
الف مبروك ياقمر ربنا يخليهالك
اسفه انى متاخره بس والله لسه شايفه البوست حالا
ربنا يباركلكوا ويسعدكم اللهم امين
ياستي الف مبروك
وبصراحة
امتعتينا بهذا الاسلوب القصصي
ووجدت نفسي اتقاطع معكي في نمرة42
وايضا في برج السرطان
يعني ممكن اكون واحد من العيلة؟؟
الله يسعدك يارب ويخليك بنتك وتتربي
في حنانك وعز والدها
الف الف الف الف مبروك ياستي
الحمد علي سلامتك
اتمني ان ياتي تموز القادم ويون علي صدرك تائم ذكور
دمتي فاكهة بين محبينك
و الذين يقولون ربنا هب لنا من ازواجنا و ذريتنا قرة اعين و اجعلنا للمتقين اماما
صدق الله العظيم
ربنا يحفظها يا انجى و يبعد عنها وسوسه الشيطان
السلام عليكم
عايزة اقولك انى بقالى كتير
مش دخلت مدونتك
واخر مرة دخلتها
كنتى فى اجازة الزواج
ولما دخلت دلوقتى ولقيتك عندك بنوته
فرحتلك اوى اوى
بجد ربنا يباركلك فيها
وربنا يجعلها قرة عين ليكى
وتجعليها ذريه صالحه ليكى
حزينه
الف مبروك يا انجى ربنا يبارك لك فيها يااااااااارب برغم وحشتينا والله وحمام السباحة صعب من غيرك
شيلى صورة البنت الحزينة دى
وحطى لنا صورة حنين
عشان كلنا يبقى عندنا حنين
سجدة
الف مبروك ربنا يحفظهاللك ويفرحك بيها
حبيت اقول 100000000 مبروك
هو شعور جميل وغريب
بجد 1000 مبروك
الف مبروك يا انوجه
حبيبة قلبى ربنا يفرح قلبك دايما بيها ويكتبلك كل خير انتى وهى و باباها
لانكو بجد تستاهلو كل خير
و ربنا يحفظهالكو يا رب وتشوفوها عروسه كدا اموره وزى العسل
ربنا يفرح قلبك دايما يا انجى يا رب
الف مبرووووووووووك يا انوج
عقبال ماتخاويها يارب وتشوفيها بتتنطط قدامك وتقولك ماما
وقتها هتكون فرحتك بجد وهى بتجرى من كل الناس لحضنك
يااااااااااه فرحه ما بعدها فرحه بجد
وبعدين انا اخطبها لابنى بس نتفرج على صورها الاول ولا ايه
وأكيد تطلع زى القمر مادام مامتها عسوله كده
ربنا يخليهالك وتشوفيها عروسه وتشوفى عيالها وهى فرحانه بيهم زى ما انتى فرحانه بيها كده
لو هقولك قد يه فرحت
ولو هقولك قد ايه عايزه اقولك مبروك بزمه
بحـضن وبوسه كبيره ليكى وليها
مش هعرف اقول ... بدعيلك من قلبي ربنا دايما يعوضك كل خير ..
عارفه ... حياتك اللي عشناها معاكى في المدونه .. بالنسبلى امل ودافع ..
بفتكرك دايما ...
ربنا يكتبلك السعاده دايما وتشوفيها قدام عينك تكبر وتفرحي بيها
مش مستغربه ... احساسك بيها
والعيط والحجات دى خالص
:)))
طبعا انا من اول الناس اللي قلت مبروك بس لازم نقولها هنا برده
بس على فكرة بقا انتي كلتي علينا السبوع خلي بالك
مبروك يااحلى ام واحن ام ياسمرا انا واثقة انك فعلا هتكوني كدة
أقدم الطلب فييييييين
مبروووك وعقبال بقية اعضاء فريق السمراوات
سلميلي عليها
مستغربك وانت كبرتي كده وبقيتي أم
عقبال كل الناس
مبرووووك
اعمليلها مدونة
مبرووووك يا أنوج
عقبال ماتشوفيها عروسة
رمضان كريم يا قمر أنت وحبيبتك
حالاقاتو
برجالاتو
يا رب يا ربنا
يكبر ويبقى أدنا
ألف مبروك .. وانا دايما كده.. اغيب اغيب واجي أدخل على مناسبة عندكو ههههههههههه
رمضان كريم وكل سنة وانتو طيبين
مها ميهوووو
الف الف الف مبروك يا انجى على المولود اللاطفال احباب الله والطفوله كمان حلوه قوى لا فيها قلب بيتألم
ةولاعقل تعب من التفكير ولا عواطف
تتقلب ولا فى رقيب بيحاسب الطفوله يستطيع ان يفعل اى شىء وهوه يبتسم
دى لحنين
احم احم
حنين يا ابنت القلب الحنين
يا قلب ملاك يا عيون المنين
يا شعاع صافى من ضى القمر
ياوجه رائع ونجم ساطع
ومقاس 42
ربنا يخليهالك يارب وتتربا فى عزك وعز ابوها
صح رمضن كريم عليكى ووعليها وعلى كل اصدقائك
صح رمضن كريم عليكى ووعليها وعلى كل اصدقائك
الف مليووووووووووووووووووووووووووووووووووووووووووون مبرووووووووووووووووك
ربنا يحميها ويبارك لكم فيها يارب
بقولك ايه انا هبعت لك السي في بتاع اخويا علشان بندور له على عروسة ;)
السلام عليكم
كل سنة وانت بخير
وكل سنة وجميع أحبابك بخير وصحة وسعادة
وكل سنة وكل المسلمين علي شريعة الله وسنة الحبيب المصطفي رضي الله عنه وأرضاه
وان شاء الله نستفيد من رمضان بكل السبل
ونخرج منه أفضل مما ولجنا به
يا رب أعنا علي القيام والصيام والصلاة
ووفقنا لما فيه الخير للجميع يا رحيم يا كريم
وارزقنا العفاف والرضا - والمحبة واهدينا يا عظيم
وأعنا علي القيام والصيام والصلاة والارتقاءالي جنة الفردوس
واجعلها لنا ميراث خير وسعادة
واجعلنا من عتقاءك في هذا الشهر يا معطي يا وهاب
وارزقنا حلاوة القرآن و حسن تلاوته
وتدبر معانيه وفهمها علي النحو الصحيح
ورطب ألسنتنا بذكرك يا الله
عايز أقول اننا في أيام مباركة ويجب استثمارها في الخير والتقرب من الله
الف الف مبروووووووووووووووووك
على حنييييين وانا عايز اتقدملهاااااااا
:D :D :D :D
الله يباركلك فيها وبأبوها
ويجعلها وش السعد عليكم
:)))))))
جد فرحتلكم الف الف مبرووووووووووووووووووووووووووووك
والف حمدلله على السلامة
10000 mbrook ya anooj..yadob lesa 3arf....mt2khra bs 1000 mbrok leky we ltar2 we rbna ybark feha yarb isa
mohamed hamd "frozen love"
ألف مبروك، ربنا يخليهالكم قرة لأعينكم، وتتربى في عزكم بإذن الله.
Iron Cobra
انتي ما تعرفينيش بس الف مبروك ، وربنا يباركلك فيها وتبقى قرة عين وذرية صالحه ليكي
لذيذة مدونتك
دى اول مرة ادخلها
اولا مبروك العروسة الامورة وعقبال اخواتها لما يجو يونسوها
اتمنى اكون ضيف خفيف على مدونتك
خالص امنياتى لكى ولاسرتك بالخير
رمضان كريم
سلام عليكي يا انجي
يااااه الف مبروك بجد فرحانه اوي ..اول خبر حلو من ايام و يكون من عندك
ربنا يباركلكوا فيها و يفرحكوا بيها و تملا حياتكوا حنين و حب يا رب
سلام
مها
على فكره انا لسه مسجله انهارده لما قريت كلامك الجميل عجبنى اوى كلامك ربنا يخيلهالك يارب وتشوفيها عروسه زى القمر
انا اسمى انجى زيلك على فكرا ياريت نبقى صحاب
حنين جت ؟؟
وإيه اللي جايبها متأخر كده
ماعندناش حريم تيجي في نص الليل
مبروك يانجييييييييييييي
ألف مبروك يا جميل
ربنا يخليهالك ويباركلك فيها
بوسيهالى بوسةةةةةةة كبيرة اوى
كل سنة وانتى طيبة انتى وطارق وحنيييييين
تحياتى
فينك
الف مبروك وربنا يفرحك بيها
تحياتى
اسمحي لي بالتطفل على تدوينك الجميل
بين كلماتك كلها قرأتك أم .. أم لأول مرة وكأن لها أمومة الألف عام
حنان حب احساس بالمسؤولية لهفة ترقب .. كل قلب الأم
الله يحفظ حنين ويبارك فيها ويجعلها قرة عين لك ولوالدها
تحياتي
مبرووووك
ربنا يهنيكم يارب:)
مهزلة مصرية جزائرية بقلم عبد البارى عطوان
تحتل اربع دول عربية المراتب الاولى على قائمة الدول الأكثر فسادا في العالم، اضافة الى افغانستان، حسب منظمة الشفافية الدولية، ولكن لم يخطر في بالنا مطلقا، ان تستخدم انظمتنا الرياضة من اجل تحويل الانظار عن فسادها ودكتاتوريتها القمعية، وبذر بذور الكراهية بين ابناء الأمة الواحدة، مثلما شاهدنا في الايام العشرة السوداء الاخيرة، التي بدأت وانتهت بمباراتي فريقي مصر والجزائر، في تصفيات نهائي كأس العالم الصيف المقبل في جنوب افريقيا.
نحن امام حرب حقيقية، وعمليات تجييش اعلامي ودبلوماسي لم يسبق لها مثيل، وكل هذا من اجل الفوز في مباراة كرة قدم بين فريقي دولتين وشعبين شقيقين، من المفترض ان الفائز من بينهما سيمثل العرب جميعا في هذه المسابقة الكروية الدولية.
عندما قرأت انباء عقد الرئيس حسني مبارك اجتماعا طارئا لاركان دولته، ابتداء من مجلس الوزراء ومرورا بقائد جهاز المخابرات، وانتهاء برئيس هيئة اركان الجيش المصري، تبادر الى ذهني ان مصر على ابواب مواجهة مصيرية مع اعداء الأمة والعقيدة......
باقى المقال فى صفحة الحوادث بالرابط التالى
www.ouregypt.us
ما شاء اله عليها بجد عسوله ربنا يخليهالك ويخليكم كلكم لبعض
فرحت والله انا منزمان مدخلتش عندك بس دخلت علي احلي خبر
now I stay in touch!
www.nileriyadh.com
لنظافة شيئا ضروريا وخاصة عند تواجد اطفال صغار يخشي عليهم من الاتربة او الحشرات.
افضل شركة تنظيف بالرياض تقدم لكم افضل خدمة تنظيف للشقق المفروشة، تتميز بوجود عمالة على اعلى مستوى من الخبرة والعمل والامانة
تنظيف مجالس بالرياض
تنظيف موكيت بالرياض
تنظيف كنب بالرياض
تنظيف فلل بالرياض
تنظيف مساجد بالرياض
تنظيف وصيانة مسابح بالرياض
Keep your options open while acquiring such solutions as there are many company that assures whole lot however fails to supply the preferable outcomes. buy facebook usa likes
شركة تنظيف مجالس بالجبيل
شركة تنظيف مجالس بالقطيف
شركة تنظيف بالجبيل
شركة تسليك مجاري بالخبر
شركة تنظيف سجاد بالخبر
شركة مكافحة حشرات بالخبر
Post a Comment
<< Home